MediaTech 小編: 經營社交媒體必須要經常更新，喺內容創作方面喺邊度搵靈感？
莊思敏: 我嘅社交媒體內容通常都係圍繞日常生活，講下我用緊或者試過嘅新產品，有時會做啲推廣介紹，同埋會Share日常吃喝玩樂嘅生活照！

MediaTech 小編: 社交媒體嘅功能日新月異，有咩秘訣能夠經常Keep到與時並進？
莊思敏: 我會定期上 App Store 睇下有咩 Top10 新app或者新嘅社交平台。除此之外，我都會留意吓人哋Post嘅嘢，或者有啲討論區會分享吓有咩好用嘅新App或媒體。

MediaTech 小編: 經營社交媒體要經常拍片、影相、做Live，平圴每星期要花多少時間？有沒有編一個Schedule俾自己？
莊思敏: 其實拍片、影相、做live都無規定每個禮拜用幾多時間。基本上，而家除咗 IG, Facebook、微博，都有經營緊其他社交平台，如小紅書、今日頭條、SnapChat同Twitter。每日未必可以處理到所有平台，但最起碼IG, Facebook、微博都會出一個post。Live就盡量希望一個禮拜可以做到一次，因為要安排足夠時間做。

MediaTech 小編: 睇到你社交媒體有好多相片及影片內容，可否推介一啲心水App俾大家？
莊思敏: 最近影相好鍾意用「無他app」，至於剪片就會用「小影App」，非常好方，可以係電話裡面處理晒！

MediaTech 小編:近年，網上愈來愈多KOL，競爭也愈來愈大，如何可以一直保持人氣？
莊思敏: 而家越來越多人做KOL ,競爭確實係越來越大。維持人氣嘅方法就係要勤力出post，而且我嘅心水推介都會係信心嘅保證，真係好用嘅產品我先會推介俾大家。